唔!!!
嗱，唔好扮晒嘢，其實你根本唔知木村把聲係點。
因為你只係認得另一把聲，好襯佢，襯到以為真係佢。無錯，把聲係屬於香港配音員 — 蘇強文。
或者好多人都唔會記得配音員個名，但係每一把聲，都陪住我哋成長。而家睇劇，大家都慣咗聽原音，可能仲會唔鍾意有配音。
但係，配音員係代表一種文化，廣東話，親切啲。小丸子同旁白嘅配音，鄭麗麗同陳欣，現實中係一對情侶。奇妙㗎，呢個係幕後嘅小童話。
而木村御用配音員蘇強文，而家48歲㗎喇，把聲都係無變呢。馬斯丹上校同佐為，其實，你都好鍾意本地配音，係咪？
原圖來源：日劇狂迷